Prosiect Celf Ty Siamas

Mi fuon ni’n ffodus iawn i dderbyn nawdd wrth Gronfa Arian i Bawb ar gyfer prosiect ar y cyd rhwng Ty Siamas ac ysgolion lleol drwy gymorth yr arlunydd o Lanelltyd Sonja Benskin Mesher.
Mae plant ysgolion Brithdir, Rhydymain a Dinas Mawddwy wrthi ar hyn o bryd yn creu cyfres o faneri lliwgar wedi eu seilio ar draddodiadau’r Gaeaf, sef Y Fari Lwyd, Calennig a’r Plygain.

Syniadau a gwaith y plant sy’n cael eu hadlewyrchu yn y lluniau mawr ar gynfas ac meant wedi cael cryn hwyl yn gweld ffrwyth eu llafur yn dod i derfyn.

Hoffai Ty Siamas ddiolch yn fawr iawn i Sonja am ei holl waith caled a brwdfrydedd.
Os hoffech chi mwy o wybodaeth am waith yr arlunydd Sonja Benskin Mesher ewch ar ei gwefan, sef www.sonja-benskin-mesher.com